NO KEELIKOLANI, MUOLAULANI KA INOA.

1 He anana’la i ka loa o Alakai,
Ke kuhi la he koke aku o Maunahina,
He liuliu Waialeale na ke a—nui,
He anu ka ka nahele o Aipo,
O ke kupilikii aku ia hina i Maunahina—,
Hina i ka hoona rama a ke aloha,
I ka ae hakoko a ka manao,
E pilia la i ka moe he kanaka—i—a,
He kanaka ia ua helu ia ka malama,
Hana ia iho i mio kou aloha—e—a.

Na Lilipi.

2 Owau e hele i ka papa o Apua,
Ke kuhi la he ale wai ko Maukele,
He pali mai hoi, Hulei na ka u—a,
He ua ka ka waimaka e kulu nei,
He milimili hoi ka loko o kuu aloha—e—a,
Aloha i ka liko ohia o Puulena,
I ke-a hanu i na makani ka o lua,
Ua loa Kauonahunahu i ke a—nu,
E anu la i ka nui o ke aloha,
Ua pelepulu ua mauna i ka manao—e—a.

Na Kekuhaupio.

3 Owau e hele i kanahele Olaa,
E ke’a mai ana ke anu i Kahooku,
He lipo aku ia Nakiakau—nu,
Ke kaunu hewa ia ‘la ko’u inoa,
Eia iho no ka ewaiki ke nohu la—e—a,
Aloha i ka hao-e-oe lehua a ka wahine,
Ua kuhi Omaolala he ua awaawa—e,
A awaawa ka ia i ke aloha,
Nau lia a wali ke oka a ka makemake,
E apu hookahi i naha mawaho—e—a.

Na Kapakii.

4 Hele alo i ka ua kipuupuu,
Eelekoa malana i Ouli,
He anu mai hoi Waimea na ka u—a,
He ua ka kahiki i Lanimaomao,
O ka pahee aku ia hina i Mahiki—e—a,
Mai lilo i ka helekua a kuu manao,
I ke kau o ka haili moe he kanaka,
E pili no maua i Waialoha—e,
Kai noa ua ouli e ke aloha,
Eia no ka iloko me ka manao—e—a.

Kelewaiku.

(Hoku o ka Pakipika, 5/7/1863, p. 1)

Ka Hoku o ka Pakipika, Buke 2, Helu 30, Aoao 1. Mei 7, 1863.