HE MA’I NO H. L. KALEIMOMI.
Olu ka makani Puulena
E pa kolonahe nei,
Ka ninihi lai koiawe
Lai Puna i ke onaona.
Cho.—Kaupono o Makalei
I ka nuku o Nuuanu
I ka piko o Lanihuli
Ka pili i Kaipuolono.
O Makalei ka oe
O ka ma’i o Kaleimomi
Kamaiki o Enelani
Lokelani o Pekina.
Keiki ona miliona
No ka wai o Kawainui
A he pua iu laha ole
No ka wai o Makalii.
Puukani o Kailua
Eueu o Maunawili
E ku haaheo nei
I ka luna o Olomana.
Nui olu o Makalei
Ohaoha maikai
Nawai ole ona ia
He lohi na ke Kauila.
Kui ia a lawa pono
Ko laki e Kaleimomi
Haina i ke akea
I lohea mai ka puana.
O Makalei ko ma’i
Laau ona a ka I’a
Pipili paa i ke kumu
Mole o ke kano Kauila.
[Does anyone know who this ona miliona H. L. Kaleimomi is?]
(Ko Hawaii Pae Aina, 7/31/1880, p. 4)
Ko Hawaii Pae Aina, Buke III, Helu 31, Aoao 4. Iulai 31, 1880.
nupepa 