Wiliokai Song.

Nani wale kuu ike ana,
I ka wai kihene a ka menehune,
Inu iho wau a kena,
A hoolai me na manu.

Chorus. Ha, Ha, Far away
Take round lively iho oe.

O ka wai iho ia e kena ai,
E lai ai ka nanea ana,
Noho wau a huli ae,
Honi ana i ke ala o ka Mokihana.

Kaupaona ia iho a like,
A ili wai like ke aloha,
Hookahi oi a’u i ike,
Ka wa-wai ula Iliahi.

Nee mai kaua a pili,
Oiai ke aloha me a’u,
E aho paha wau e hoi,
Ke wehe ae nei kai ao.

Composed by Pauhagagi.

(Kuokoa, 11/24/1877, p. 4)

Ka Nupepa Kuokoa, Buke XVI, Helu 47, Aoao 4. Novemaba 24, 1877.