KE ALOHA IWAENA O NA ROSE

Kupanaha wale oi ‘la,
Keia mahina wahapaa,
Ke konane i ke aumoe la,
Ike ia e ka pae opua.

Cho: He aloha la he aloha,
He aloha kuu lei hinahina,
Ke lei ia mai la e ka U’a la,
E ka maukauka hoe hewa—.

A i hewa no ia ia la,
Ka awihi-wihi ana mai,
Ike e e ka mea waiwai la,
Pii e e ke kai kumu pali.

Cho: He aloha la he aloha,

Heaha ka hana ‘ka palai,
E luhe mai la i Lihau,
E kalokalo ana paha la,
I na wahi aumakua.

Cho: He aloha la he aloha,

Ua ai ono iho hoi,
A puua e i ka wai,
A he wai-aha la ia la,
Wai mukiki a ka manu.

Cho: He aloha la he aloha,

Puewai.

(Au Okoa, 11/16/1871, p. 1)

Ke Au Okoa, Buke VII, Helu 31, Aoao 1. Novemaba 16, 1871.