Hooheno no Manawaiopuna.

1

Me ua liilii no ia uka waokele
Ka owe nehe mai i ka liko lauae
Ua pulu malihini kuu kino ilaila
No ke ake e ike ia wai kaulana.

HUI.

Ike au i ka wai o Manawaiopuna
Wai hu’i konikoni i ka ili
I apo aku au i ka hunahunawai
Hoopulu i ka ili o ka malihini.

2.

Hoohihi ka manao i Manawaiopuna
Ia wai kumu ole a’u i ike ai
Kilinehe, kiliopu, ia uka iuiu
Pulu ai i ka liko o ka lehua.

3.

O ka wai o Wailewa ka’u makemake
Eia i ka malu o ke kukui
O ka hunahuna wale no ka’u ike aku
Hoopulu i ke ono o ka palai. [Hoopulu i ke oho o ka palai].

Haku ia e Mrs. H. Kauai.
Waimea, Kauai.

(Leo o ka Lahui, 5/27/1891, p. 3)

Ka Leo o ka Lahui, Buke II, Helu 202, Aoao 3. Mei 27, 1891.