Penesakola.

He aloha kuu pua Poni Moi,
I lehia lima ia e ke akamai,
He ohu ia nou e kuu aloha,
E puia e ke ala me ke onaona,
Onaona ia pua na’u e honi,
Kahiko mau ia no kuu home,
O ka hapawaika kuu hoa ia,
Kohukohu no au ke laiwale,
Aole no au e hopo ana,
I ka wa olelo a ka nui manu,
He mamo mai au na ka eleu,
Aohe kau e paoa ai,
Ua hiki no ia’u ke kaena,
Waiwai paa ia no kuu kino,
Haina ka puana o kuu lei,
Ka ui o ke alanui Liliha.

Keala.

(Makaainana, 3/26/1894, p. 2)

Ka Makaainana, Buke I—-Au Hou, Helu 13, Aoao 2. Maraki 26, 1894.