A name song for Miss Pale Kaululehua, 1880.

HE MELE INOA NO MISS PALE KAULULEHUA.

Aia i Kahiki ko lei ahi
Ka alohi ka anapa ka’u i ike
Ua like a like me ka anohi
Ka wahine i ka lihilihi o ka la
Nana i kaupono mai ka moana
Na pe’a kapu o Kealohilani
O ka hulu o ka manu ka’u i ike
Ka hehina wawae o Halulu
A he manu kaulana no ke ao nei
Na kihi poohiwi o ka malama
Ke malama nei au i ko aloha
Ka ukana maewa hoi a ke kino
Haina ka pua i ona i ka manu
O Pale ka wahine laka i ke ahi.

Ma Kilauea ko lei ahi
I ka luna kapukapu o Kaauwea
Ea mai oe la paihiihi
A kau ka weli i ke ahi a Laka
Ua laka a he manu pili kepau
Ua kawiliia i ka pua lehua—
Ua lulu ka mauna ua wehiwehi
Hui ai ke ala me ke onaona
Ua silaia hoi oe a paa
Aohe ou mea e poloke ai
Ua paa ko’u helu i ke Aupuni
Ma ka lima o ke kivila me ke karaima
Haina ka pua i ona i ka manu
O Pale ka wahine laka i ke ahi

Maluna o Pele ko lei ahi
O ka moku huki kolo o ke kaona
A pu a ka uwahi nome ka huila
Hookomo i ke awa ua haiki
Luana i Kou ko’u aloha
Hulo na kela o Kipiliki
Kahea mai nei a ke Kapena
Pulaheke na Poe pili i ka uwapo
Lulu lima pu me ke aloha
Mahea oukou la pii mai
Ma Kaleponi ma Kapalakiko
Haina ka pua i ona i ka manu
O Pale ka wahine laka i ke ahi.

Aia i Anaki ko lei ahi
O ke ahi kokolo la i na pali
He nihi ae nei i Mokuaiki
Kuehu i ke kai o Kaholanui
A he ahi kaulana o no Kamaile
Kuni ana i ka ili o ka ipo ahi
Ua ahi ua wela mai nei loko
Ka ukana koikoi a ka puuwai
Mai hoonewanewa oe ilaila
Eia ko lihi la ianei
Ianei mai no hoi kaua
Pau pono a lawa ko makemake
Haina ka pua i ona i ka manu
O Pale ka wahine laka i ke ahi.

Aia i Hawaii ko lei ahi
Aina kaula kapu o Keawe
Pulupulu mai nei o Lonomakua
Ho-a i ke ahi i Halemaumau
Ua wela e ka maka o ka opua
I ke ahi enaena a ka wahine
Noho mai hano o Uwekahuna
I ka pali kapu o Kamohoalii
Hina ka uwahi pio lua i ka lewa
E kokolo i ke one o Kahualoa
A he loa ia imi’na la o ke hoa
A loaa i kauaawa o ka mauna
Haina ka pua i ona i ka manu
O Pale ka wahine laka i ke ahi.

Ma ka moku Kaleponoi ko lei ahi
Ke kue nome mai nei i ka moana
Kuu pau mai nei e ka wiliki
Iluna ilalo e auku nei
A pa ka makani he pewini
Hooiho i ke awa a o Honolulu
Ko leka ka’u ike iho nei
Puiwa hikilele ko’u manao
He manao no ko’u e kau leo aloha
Palea ia mai e ka hilahila
Ua kuhi wau o Anoikaimana
Ka anapa iluna o Haleaniani
Haina ka pua i ona i ka manu
O Pale ka wahine laka i ke ahi.

James Kamawae,
Waikiki-waena, June 8, 1880.

[Wow. Might anyone know who these people are?]

(Ko Hawaii Pae Aina, 6/19/1880, p. 4)

KHPA_6_19_1880_4.png

Ko Hawaii Pae Aina, Buke III, Helu 25, Aoao 4. Iune 12, 1880.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s