HE INOA NO H. L. KALEIMOMI

Hakuia, E Miss H. Kekahakulani.

1st.

Nani ka helena pali Koolau
I ka holu malie a ke Kawelu
I laila o Vinista eloelo
Lehu a lupea i ka ua Apuakea.

Cho.—Pulupe lanihuli i ke kehau
Wehiwehi i ka wai o ka opua
Hoi mai kaua i ka poli
Lipolipo wai olu o Makalii

2nd

Hoi no e ka olu i Makalii
I ka nua wai olu lipo i ke alo
Wai ono hoohie ake Kolohala
Manu hulu laha ole o ka lihiwai

3rd

Lawe a ninihi ka nihina a ka ohu
Nu’anu’a i ka hena o pua Koolau
E lilihi lou i hoana e pili
Me aalalaunipo i ke onaona.

4th

Onaona ka moani ka paia eke kiu
O kuu lei Mimosa o ke ahiahi
I kuia mai a lawa pono
E ka ua noenoe o Maunawili

ulele hua kepau.  L.S.K.

(Ko Hawaii Pae Aina, 11/19/1881, p. 1)

Ko Hawaii Pae Aina, Buke IV, Helu 47, Aoao 1. Novemaba 19, 1881.