HE MELE HULA

Ulu mai ke aloha ka makani Eka,
Aheahe malie me he ipo la,
E kono mai ana i ka nui kino,
E ike i ka nani o ka aina.
Aina i puia e ke onaona,
Ka maile kaluhea hiku i ka uka,
I ka luna iuiu o Hainoa,
Ka palai lipolipo pili la a.
He kapa hau ia no Poliahu,
Kahiko i ka luna o Maunakea,
Ke hea mai nei a o Lilinoe,
Ka wahine alo anu  a ke kehau.
He wai olaia no ka aina,
Kilakilai kaluna o Hualalai,
Ua ola na kupa e na Kona,
Na wai ekolu kau i ka hano.
Haaheo ka opua no Awalau,
Ka wai kamahao a ke kupuna,
Haina ka puana kuu lei momi,
He opua haaheo no na Kona.
E ola e ke Kama ke kai malino,
E lei lanakila i ka hanohano,
E ola a kau i ke kiekie,
E ola a kau  i ka pua aneane a.

Hakuia e ka UHIWAI O KAALA

(Kuokoa, 12/16/1921, p. 7)

Ka Nupepa Kuokoa, Buke LIX, Helu 50, Mahele Elua, Aoao 1. Dekemaba 16, 1921.