HE MAU MELE HAWAII.

(That this generation do not possess.)

Maikai ke kuahiwi nani na mauna,
Ka aula wai o Namolokama;
E o ana ia Mamalahoa,
I hoohoa i hoa Kupakoili.
Ka lihau wai anu o Maunahina,
Ua aunei i ka la’i me he polope a la.
Ka-kakaha me he lupe la i ka malie.
Oiaio oia paha e!

Aia la o ka noe o Alakai,
Ua haanolu wale i Hauailiki;
Ka holahola wai a ka Lupua,
Pupu aku la i Ko’ialana.
Ka maka o ka lehua a ka manu,
Ua noho aloha wale i Kalaukipapaaola,
Ua Haanou wale i ka ua ka nahele,
Ke kahelahela o Lonokoiuiu.
Oiaio oia paha e!

Nana aku o ka lae o Kalaau,
Hele a nonohe ka pua i ka wai;
Ka auliii halalii a ke kohekohe,
KJa anapau a ka ohu i ka laau,
Paa Waialeale naue ole i ke makani,
I haka uliliia Kamelekua,
I holoa linoia luna o Kawaikini,
Ka palahinu me he hulumamo la i ka la,
Hana Kemamo i ke ao humu papale kapu no Hulaia,
E kau ana ma ka maha o Hulaia,
Ma ke kihi poohiwi o Keaolewa
Oiaio oia paha e pa wai au a e kepa kaua.

O ka mikioi malaila pu me ka maemae,
Aoha mea maikai nui i ka lokoino;
Ma ka hana mau ana e pili mai ai ka lako,
O hoonawaliwali hahai ka hemahema.
Ma keaha e lilo ai ke dala i mea waiwai?
Ma o ka loaa o na mea i makemakeia.

Aia i Kapalama ka’u aloha,
O ka mu’o launiu opiopio.

(Kuokoa, 6/13/1919, p. 2)