E KUIIA ANA A LAWA PONO NA WAHI PANA LEI KAU A-I NO KAHUKU LEWA

He iki wale no o Kahuku lewa,
Aole e puni i ke Anahulu po,
O ka lae o Kahipa kau mailuna,
E huli pono ana i ka hikina.
Na Waiuolewa kau maluna,
Alewa iluna a lewa ilalo,
O ka luahuna ae ia a Maui,
O Kaalae nui Huapi.
O Kaauhelemoa a he moa ia,
O ka hoa paio o Kamapuaa!
O Kaniakamoa a he haka moa ia,
Na ke alii Olopana Oahu nei
A polou au, louia a paa,
I ole e panee ka holo ohope,
A punamano au ike i ka u’i.
Na pou olelo me ka uwila,
O ke amia aku ia a ka mano,
A na misini e hoohana nei,
A punahoolopa he naele aku ia,
I ka lua o ke kaau hoi ae oe,
O ke aiwa aku ia o kanana,
O ke kupaianaha a olalo aku,
O kapukaulua a he loko ia,
Ilaila ka ulua pii a Kane
E inu i ka wai o Kapukaulua,
Ilaila o Kane i hooaumoe pu iho ai.
I ike i ka kiu holu o Kaunala,
I na u’i kaulana oi Kahuku lewa,
I ke ala o ka hala e pohai ana,
I ka wai kaulana wai a Kane,
Aole a he lua elike ai,
E kii ko awa i Hakipuu,
I ka awa ililena ka uka o Hena,
O ka ulua pii o ka pukaulua.
O ka pupu ia o ko awa,
E hoka ko awa i ka wai pii.
O ka wai a Kane, wai pii mau,
I ka moe oni ole Ahewahewa,
I ke ana kipapa o paumalu,
Wakinekona ku i ka pali,
A ke kenelala nui o na kaha,
E—o mai oe i ko inoa,
I lei hooheno no Kahuku lewa,

Hakuia no ka nani lua ole o na Kahuku Moi, wai-ti-poha e paea-lo-nei.

Kahuku Plantation.

(Kuokoa, 9/7/1922, p. 4)

Ka Nupepa Kuokoa, Buke LXI, Helu 36, 1922, p. 4. Sepatemaba 7, 1922.