HE WAHI LEO MELE HAWAII

Ua pau kou mana e ka makua,
Ua hiki au i ka hoounauna,
I kuu wa liilii iluna kuu alo,
I mai oe ia’u hupekole,
A nui ae au a wahine ui,
Alaila oe la hooheno mai.
Ua hiki no au ke kuupau
I ka laki kikala o ka oiwi,
He iwi keia i hana a kani
He awihi maka no kau loaa
I loaa oe ia’u i ka la nui
I ka huikaulu o ka kaona
Onaona na maka o ka huapala,
Ua pulu i ka wai lohi o Maleka
Haina ia mai ana ka puana,
Ke aloha o ka ipo, mea pau ole.

Owau iho no me ka oiaio

Wahia Ii

[Cheeky!]

(Alakai o Hawaii, 2/7/1929, p. 4)

Ke Alakai o Hawaii, Buke 1, Helu 41, Aoao 4. Pepeluali 7, 1929.