Kuu Hinahina ku i ka pali.

Auhea wale ana oe,
Hinahina ku i ka pali,
Kulolou pili i ke anu la,
Anu wale a ka rain paupili.

CHORUS.

Ko mai ana e ke anu,
Huihui i ka puuwai,
O sweet flower i ka uka la,
Lei aloha no ke kuini.

Auhea wale ana oe,
E kuu lei mae ole,
Ua kohu oe me ia la,
Ka makani puulena o Hilo.

Ko leo ka i pane mai,
I na manu o ke kuahiwi,
Iwi alo lau laau la,
E uhene ai ke dai-funi.

Punihei aku ka manao,
Ka ia la kalokalo mai,
Aumakua ia no la,
A he pono ao luau.

Higgs.

(Au Okoa, 1/4/1872, p. 1)

Ke Au Okoa, Buke VII, Helu 38, Aoao 1. Ianuari 4, 1872.