KA LEHUA UA KEA

(HULA)

Auhea wale oe ke ala
E maalo nei i kuu maka
Ua kuhi au aia la me oe
O kuu lei ahihi i ka uka
A heaha la hoi keia
A ka nui manu ae wa nei
Me he la e i mai ana
Ilaila pu aku kaua
O oe ka Lehua Ua-kea
A ka puuwai la e lia nei
E ake aku ana e inu
I ka wai ono o ia pua
Aia i ka piko o Awakoa
I ka hene olu lawe malie
Haina ia mai ka puana
Ka Lehua Uakea i ka wekiu

(Leo o ka Lahui, 5/12/1896, p. 1)

Ka Leo o ka Lahui, Buke I, Helu 21, Aoao 1. Mei 12, 1896.