Now this is how it is done, 1919.

MAUI BEAUTY SONG

I Maui au a huli hoi mai,
Loheia mai ana ua meahou,
Ma ka leka au a i ike iho ai,
Na hana hakuepa a ka lokoino;
Owau ka i lawe olelo ia,
He kahuna lapaau hoopunipuni,
O ko’u Makua lani maluna,
O ko’u mua ia ma ka’u hana.
O Kona mana piha ko’u aahu,
O Kana olelo ka’u ai ia,
Ka Uhane Hemolele ko’u Alakai,
A kuu kino a e haaheo nei.
Noii nowelo ke akamai,
Aohe kee a o nei aoao,
O oe kau a e nana iho,
Hoi no kau ino pili me oe.
Olelo ana oe i ko ha’i kee,
Ko puolo nui ku i ko piko,
Malama i ka hua a ko waha,
O ka ike kino pilikia oe.
Ke waiho nei au i ke kolohe nui,
Ma ka lima o ka Mea Kiekie Loa,
Nana e sila iho i kou hopena,
Ku oe a hele me ka waimaka.
Ua hiki no ia’u ke kaena,
Aohe kupueu pii maluna.
He mamo mai au na na Lani,
Na ka Hekili ku’i naueue,
He mea nui hoi na ke kupuna.
A he milimili hoi na ka makua.
Ke Akua o ka lani ko’u kokua,
Nana e pulumi pau na ino;
Haina ia mai ana ka puana,
Ko hale aniani pau i ke ahi.
Haina hou ia mai ka puana,
Hoi oe i ka papaku olalo.
Haina kuu lei kuilimaia,
Ka Beauty o Maui ua kaulana.

Composed by LEI O NIIHAU.

[Classic/Classy response to criticism.]

(Kuokoa, 12/5/1919, p. 2)

Kuokoa_12_5_1919_2.png

Ka Nupepa Kuokoa, Buke LVII, Helu 49, Aoao 2. Dekemaba 5, 1919.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s