[Found under: “Na Lani Hooulu Lahui Elua”]
Ia oe e Ka-La e alohi nei,
Ma na welelau o ka Honua,
E hai ae oe i kou kani,
I ka malamalama oikelakela,
Nau i noii nowelo aku,
Pau na pali paa i ka ikeia,
Ike oe i ka nani a o Himela,
I ka hene wai-olu lawe malie,
He mauna i lohia i ke onaona,
Kaulana i ka nani me ke kiekie,
Kiekie o Kalani noho mai luna,
Nau i a’e na kapu o Kahiki,
Hehihehi ku ana i ka huku ale,
I ke kai halai lana malie—
Kiinaia aku na Pae Moku—
A i hoa kuilima nou e Kalani,
Ma ia mau alanui malihini,
Au i olali hookahi ai,
O ke ao o ka lama kou kokua,
A o ka Hoku no kou alakai,
Lilo ai mea ole na enemi,
Lehelehe eueu hana lokoino,
E ola o Kalani a mau loa,
A kau i ke ao malamalama.
[Let’s take good care of one another, and ourselves as well! Be kind.]
(Kuokoa, 7/7/1899, p. 1)
Ka Nupepa Kuokoa, Buke XXXVIII, Helu 27, Aoao 1. Iulai 7, 1899.
