PUA OHAI

E walea ae ana i ka nani
I ka maikai o Lihue
Akahi hoi au a ike maka
Ka makani hui o ke kehau
Pa iho i ke kihi o ka aina
Aohe lelepi a koe aku
Hana no oe a wikani
Hoohoa mai oe la ia anei
Aole no au e kuhau ana
A he Hawaii alo ehuehu
Kaapuni au a puni Kauai
Aole ou hoa a e like ai
He oi no oe i ka’u ike
Pakela oi aku a ke ai
Pau no o ka liko o ka laele
Pakii ka i’a i loaa mai
E lei no au i ku’u aloha
I hoa hooipo no ka po anu
A he lei no ka pua o ka Ohai
I lu pea i ka ua a ke kiowao
Hainaia mai ana ka puana
Lihue ka oi i ka’u ike

Haku ia e
Hilo Girl
Lihue, Dekemaba 12, 1895.

[Check out Nanea Armstrong-Wassel’s post on the ohai, and more mele including another Kauai one!]

(Leo o ka Lahui, 12/12/1895, p. 1)

Ka Leo o ka Lahui, Buke II, Helu 1355, Aoao 1. Dekemaba 12, 1895.