HE MAU MELE.
HOOHENO O KA PUA OHAWAI
1. Auhea oe e ka nani,
E ke onaona o ka Ohawai,
A he waiwai ko aloha ua kilaia,
Eia ma nei puuwai.
Hui: E kuu Lei Aloha e,
Mai manao kuhihewa oe,
Ko aloha wale no ka’u mea nui,
E lei hookahi ae nei.
2. Auhea oe e ka nani,
Ka lei mae ole a nei kino,
O oe hookahi ka’u mea nui,
O nei aina malihini.
Hakuia e Miss N. W. Lipo Lani.
LIPO LANI.
1. Nani ka halia i hiki mai,
A ka La e welo ana i Lehua,
Elua wale no maua,
I ka olu o Lipo Lani Home.
Hui: He makana he lei keia,
Nou e ka lehua o Alakai,
Akahi no au a ike,
I na kulu wai a ka Moae.
2. Kohaehae wale ke aloha,
I ka lihiloa a ka opua,
He pua nani hoi oe,
No ka valley o Lipo Lani Home.
Hakuia e W. K. Pua Ohawai.
[This is the first time I have seen two mele placed next to each other this way in the newspapers, where the composers address each other.]
(Kuokoa, 8/27/1892, p. 4)
Ka Nupepa Kuokoa, Buke XXXI, Helu 35, Aoao 4. Augate 27, 1892.
nupepa 