LANAKILA IAUKEA.

He aloha aina,
Puuwai o ka onipaa,
Kukilakila no ka lahui,
Na ewe o Hawaii,
A kau i  ka lanakila,
E ka moho Iaukea.

HUI.

Kuiia, e ka lei, lei hiwahiwa,
Wiliia ke aloha me ka lokahi,
I hoku alakai Iaukea,
Na ka I me ka Mahi,
Nei lei mamo liko.

Oiwi ponoi no ka iwikuamoo,
A imua e ke alo,
Me na mana koho,
A lanakila oi Iaukea.

Lalau i ka Ihe,
Me ka Mahiole,
Ke kahua mokomoko pahu paloka,
I nui e ke aho,
A e na pokii,
A welo e ka hae Iaukea.

Composed by E. Kaai [Ernest Kaai].

[Check out the recent post by Nanea Armstrong-Wassel about Curtis Piehu Iaukea and this mele!]

(Kuokoa, 10/26/1906, p. 4)

Ka Nupepa Kuokoa, Buke XLV, Helu 43, Aoao 4. Okatoba 26, 1906.