WAIAKEA HULA.

I aloha ia no Waiakea,
Nei home i ke kula pahoehoe,
Iahona i ka lau holu o ke ko,
I ka holu i ke ahe a ka makani.
O ka pa aheahe a ka malana’i,
Halihali mai ana i ke onaona,
Onaona ka maile no Panaewa,
A he lei hoohihi na ka malihini.
Hoolawa i ka pua pua o ka hala,
Ua kui pu ia me ka manai,
Ke ala o ka hinano me ka lehua,
A he lei kauana no Hiloono,
Hanohano i ka Uakanilehua.
Ke ui ae oe a e lei au,
I ka wehi kaulana o ka aina,
Haina ia mai ana ka puana,
Kuu home i ke kula pahoehoe.

S. A. S. MIKA.

[Might anyone have any information on S. A. S. Mika?]

(Kuokoa, 2/18/1921, p. 2)

Ka Nupepa Kuokoa, Buke LIX, Helu 7, Aoao 2. Feberuari 18, 1921.