Kanikau for Eda Kalua by J. P. Kaapuwai, 1921.

KANIKAU NO EDA KALUA.

Kanikau he aloha nui keia,
Nou e Kawaikauomaunahina.
Nou paha ka uhane e naue nei,
Na hora o ke kakahiaka nui.
Ia oe e ka wahine poaimoku,
Eia e ka luhi a o kaua,
Ke hele aku nei mahope ou,
I lei pu ia e kaua,
I ka uluwehiwehi o Nuhou,
Me ka ua Kenikeni o Lihue,
E uwe helu mai o Kaapuwai,
He aloha ino no kuu leihulu.
O ka makani kiu a  o Konalea,
Me ka wai kajulana o Kemamo.
O ka ua Lihau o Haupu,
Me ka Uanoe anu o Koloa,
O ka ua koluna me ka uwila,
Kakou kolalo e naue nei.
O ka loku a ka ua me ka makani,
Mea ole e ke anu a o ia uka.
Heleia i ka ua me ka makani,
Aloia i ke anu me ke ko’eko’e,
Ko’eko’e e ka po ua hele oe,
Ua wehe i ka pili me ka makua.
Noho oe i ka hale puanuanu,
I ka hale ike makamaka ole ia.
A ka la’i i Ahulua kuu leihulu,
I ka makani anu a he Puukolu.
Hoi i ka aina o ka makua,
I ka poli aloha o Kauwaihee.
Aia i Polihale kuu leihulu,
I ka pahapaha lei a ka malihini.
Malihini Nohili a he onekani,
O ka ipo aloha a Papiohuli.
Huli mai ka makani he Puukapele,
Alualu wailiula i ke kula.
I ke kula laula o Kaunalewa,
A Limaloa la e hooipo nei,
O ke konohiki nui ai aina,
Kukulu kauhale o ke alia,
Alia oe a e pulale mai,
Ei ae ka makani Moeahua,
Ka makani aloha o kuu aina.
A e pa kolonahe mai nei,
O ka Mikioi mai o Kawaihoa,
A ka Naulu a e hapai nei,
A ka la kowelo poli o Lehua.
I ka moana kai o Kaulakahi,
Akahi ka ikena ia Waimea,
I ka home o ka Waiulailiahi,
O ka hoa pili hoi o ka Waikea,
Me ka makani anu a he Waipao,
Ke huli hoi nei kuu leihulu,
Ike i ke onehanau o ka makua,
I ka poli aloha o Paieie,
Aina hanau o kuu lei,
Ka makani Lupua a o Wainiha,
Ke nounou nei ia Luluupali,
Ilaila haalele kuu leihulu,
Ua hele i ke ala hoi ole mai,
He aloha ka leo o kuu leihulu,
I ke kaukau mai pehea au,
Hele au i ke ala hoi ole mai,
Pau ka ike ia oe la e ka makua.
Hele i ke ala maewaewa,
A ka waimaka e hanini nei,
E haale nei i ka lau lihilihi,
E kaohi mai ana he ole ka paa.
Haina ka uhane kino wailua,
Nou e ka Waikau o Maunahina.

Hakuia e J. P. Kaapuwai,
Hanalei, Kauai, Iulai 11, 1921.

(Kuokoa, 7/15/1921, p. 2)

Kuokoa_7_15_1921_2.png

Ka Nupepa Kuokoa, Buke LIX, Helu 28, Aoao 2. Iulai 15, 1921.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s