HE INOA NO MARIE KAPIOLAOLEHUA D. BROWN.

He aloha i ka lau o ka niu,
I ka holu nape mai i ka makani;
He makani aheahe liuliu,
O ka malu hau o Ulukou.
He huina pua ia o ke kaona,
Ka launa wai olu o na manu;
Kahiko poowai o ka nani,
Ehukai o Waikiki.

He aloha na oiwi nani,
Na papa heenalu i ke kai;
Haaheo ka helena mai,
Ehuehu kai o Mamala.
Malama iho oe e ke aloha,
Kahi pua omau ua paa;
He makana ia na ka puuwai,
Waiwai kauoha e lei.

Hakuia e Maryjane Kulani Montano.

(Kuokoa, 3/7/1919, p. 8)

Ka Nupepa Kuokoa, Buke LVII, Helu 10, Aoao 8. Maraki 7, 1919.