He Inoa No Iaukea.

He inoa nou e Iaukea
Ka Elele hiwahiwa a ka lahui
Nau i hoohui na Ailana
Hookahi puuwai o ka lokahi
Lilo ai i mea ole na enemi
Lehelehe eueu hana lokoino
Ua piha hauoli na Paemoku
I ka leo nahenahe o ke Konela
E imi pauaho ole ana hoi
I ka pono kaulike o ka aina
Nau i hehiku i ka Home Rula
Me Repubalika hoopunipuni
Hu ana ka makani haalele wale
Me ka hua kamahao i ka umauma
O oe ka hoku o ka Akau
Ka onohi kaimana i Wakinekona
Ike ia mai ai Hawaii nei
Paredaiso o ka Pakipika
Na Mana Kahikolu kou kokua
Na Lani Kiekie kou alakai
E ola Hawaii a mau loa
A kau i ke ao malamalama
Hea aku makou o mai oe
Iaukea ka Elele ola Hawaii.

Hakuia e D. P. KEAWEHAKU,
Honolulu.

[A Name Song For Iaukea.

This is a name song for you O Iaukea
The esteemed representative of the lahui
It is you that unified the Islands
Of single heart in unity
Your enemies become as of naught
Those evil-doing chatterers
The Islands are filled with joy
At the sweet voice of the Colonel
Searching tirelessly
For equality for the land
You trample upon the Home Rulers
And the lying Republicans
The wind blows strongly
With marvelous word upon the bosom
You are the North star
The diamond setting in Washington
Hawaii is seen
The Paradise of the Pacific
The Trinity is your aid
The High Heavens is your guide
May Hawaii live always
Until we reach the world of light
We call out to you; answer us
Iaukea, the life-bringing representative of Hawaii.
Composed by D. P. KEAWEHAKU,
Honolulu.

(Aloha Aina, 10/29/1904, p. 7)

Ke Aloha Aina, Buke X, Helu 44, Aoao 7. Okatoba 29, 1904.