A MELE HOAEAE.

Aala mapu ka hanu o ka lauae i ka pale [pali],
Mapu no i ka pali o Waialoha;
Aloha wale ai ke kapa huki palai,
Palai kahuli lole uka o Alakai.
Noe wale mai no Kalehuamakanoe,
Noe Kalehuamakanoe wiwo i ke anu,
Anu aku i ke ala kipapa laau,
Alanui kui lima kanaka o Maunahina e.
E hina hookahi la hoi owau wale no,
E hina pu ae no kaua i ke ahanui,
Ali’a la ha’o-e!

—Kaikioewa.

(Kuokoa, 6/13/1919, p. 2)

Ka Nupepa Kuokoa, Buke LVII, Helu 24, Aoao 2. Iune 13, 1919.