HOOHENO NO JACK TAZANA.

Anoai ke aloha nou e Keaka,
Ka hanau kahi a Tazana:
Ka opu rose i mohala ae,
I kupu a ulu i Enelani.
Ua like a like me ka papa,
Ka lima wikani pukonakona:
Hoohihi li’aloko no Akuta,
Ike nae i ka aina malihini.
Pau ka manaolana no ka hoi mai,
E ike i ka nani a o ka makua:
Nau i olali hookahi aku,
Ia kula mehameha he kanaka ole.
Hookahi pailaka a o Akuta,
A loaa Miriama me ka enemi;
Aole i hopo iho hoi o Keaka,
Kaukani enemi ke ku mai.
Oniu ko pahi ma ka lima hema,
Olapa ka uwila i ka enemi:
Kokua Akuta me ka maalahi,
Ola ai ka nohona o ia aina.
Hu ae ke aloha no ka aina,
Me ka poli pumehana a o ka makua;
Haina ia mai ana ka puana,
Ka lima hei o ka oniu pahi.

JOHN H. MAMALA.

Ahukini Landing, Kauai.

[The Tarzan stories were extensively translated in the Hawaiian Language Newspapers!]

(Kuokoa, 2/13/1920, p. 4)

Ka Nupepa Kuokoa, Buke LVIII, Helu 7, Aoao 4. Feberuari 13, 1920.