HE LEI NO NAWAHI.

He lei keia no Nawahi
Nelekona oe o ka Pakipika
Ka uila anapa ma ka Hikina
Malamalama ai Hawaii Loa
Hoike ana hoi me ka noeau
I ka lama ku no Hawaii nei
Huai pau ke aloha Aina
E imi ana hoi me ka noeau
Hoike ana hoi me ka hopo ole
Na hana uahoa a ka lokoino
Pahola ke aloha o Nawahi
Kaukau mai ana i ka Lahui
E noho kakou me ka hoomalu
Malama kakou i ka maluhia
Hiki mai ka Elele a Ailuene
O ka lau Oliva a ke aloha
Papahi Rose ia no Nawahi
He waha olelo no ka lehulehu
Hoike e Ka Leo o ka Lahui
Na hana lima nui a ka lokoino
A i Amerika na Komite
Me ke kuikahi hoohui aina
Hea ka leo o Nawahi
E pule kakou me ka lokahi
Ua ae mai hoi na Mana Lani
Ka uwalo a ka leo o ka Lahui
Puuwai hamama oi kelakela
Hawaii Ponoi oia ka oi
Hea aku makou o mai oe
Nawahi o Kalaniopuu

Mrs. Kala.
Honuakaha, March 17, 1893.

[Might anyone have information on who Mrs. Kala is? She composes a number of patriotic mele, including this one for Joseph Nawahi.]

(Leo o ka Lahui, 3/20/1893, p. 3)

Ka Leo o ka Lahui, Buke II, Helu 665, Aoao 3. Maraki 20, 1893.