KUMULIPO KALAKAUA

He inoa Lani, he inoa Haku,
O Kumulipo o Kalakaua,
E lohe ko ke ao a puni,
O Kalakaua, oia ka Moi.

Cho.—E ola o ka Lani,
E ola ka Moi,
E lohe ko ke ao a puni,
O Kalakaua, oia ka Moi.

E lohe na pae moku a pau,
Mai Hawaii a Kauai,
Ua kau ae ka Hae Kalaunu,
O Kalakaua, oia ka Moi.

E malu e ka lahui Hawaii,
E mau e ka ea o ka aina,
E oni paa ka Noho Alii,
O Kalakaua, oia ka Moi.

E malu ka noho’na o ke Aupuni,
E ola e ka lahui Hawaii,
E ola na lii a pau loa,
E ola o Kalakaua, ka Moi.

E ola o ka Lani,
E ola ka Moi,
E lohe e ko ke ao a puni,
O Kalakaua, oia ka Moi.

(Nuhou, 3/3/1874, p. 3)

Nuhou, Buke I, Helu 18, Aoao 3. Maraki 3, 1874.