“Kuu hula ana.”

I kuu hula ana
He keu o ka niniu,
He lai lua ka hana
Oia mea poiu.

I ka Poloka Mazuka
Ua lawe kela a oki,
He hoolalao mauka
I ka poli nahe koki.

Kamau mai ka Redowa,
He lai no ke hoa,
Hoolai i ka Waltz,
Oia ka nani loa.

Ina hula nui iho
Lalahi a maikai,
He lai no ka ipo
Ua lilo i ka wai.

Oia’la no ka liko
Lau o ka makalii,
No uka no ka lipo
Nani o ke aalii.

Figgs.

(Au Okoa, 2/1/1872, p. 1)

Ke Au Okoa, Buke VII, Helu 42, Aoao 1. Feberuari 1, 1872.