KAUAI BOY SONG.

He mele he inoa no Aiu,
Kuu pua o Kina hapa Hawaii,
He opua hookahi a i kuu alo,
Kuu lei miulana poina ole;
Kau he hiki aku i ka moana,
Na ale nupanupa o ka Pakipika,
Ike oe i ke anu o Kaleponi,
I ohu halii paa ka moana.
Kau aku ka manao nou e Palani,
Ke kahua hoolulu a o na koa,
O ke kikowaena a o ke kaua,
Ua huliamahi na aupuni hui,
Ike pono i ka hana a Kelemania,
Lahui puuwai ole o ke ao nei,
Ilaila hu ae ke aloha a i ka  makua.
Haalele ana i ka puuwai,
Ua paa ko kino i ka aelike,
Me na ‘liikoa Amerika.
Hookahi makahiki i ka aina malihini,
Huli ho i ka home kulaiwi,
Hoomaikaiia ka Makua Lani,
E ole kuu kokua Mana Lani,
Hoi kino mai au me ka lanakila.
Haina ia mai ana ka puana,
Kuu pua o Kina hapa Hawaii.

Owau iho no,

MRS KILA KAILI.

[Might anyone know which Aiu this song is composed for by Mrs. Kila Kaili?]

(Kuokoa, 1/2/1920, p. 2)

Ka Nupepa Kuokoa, Buke LVIII, Helu 1, Aoao 2. Ianuari 2, 1920.