Maunakea.

E aha ia ana Maunakea,
Kuahiwi alo pu me ke kehau.

Alawa iho oe ia Maunaloa,
Kohu moa uakea i ka malie.

Ku aku au mahalo o ka nani,
Ka haale a ka wai hui a ka manu.

Kau aku ka manao a e ike lihi,
Ka uwahi noe a o Kilauea.

Ke hea mai nei Halemaumau,
Enaena ke ahi a ka wahine.

Ka wahine kui pua lehua o Olaa,
I hoa hoonipo no ka Malanai.

I ahona Puna i ka hone a ke kai,
Ke ala o ka hinano ka’u aloha.

Aloha ia uka puanuanu,
I ka hoopuluia e ke kehau.

Haina ia mai ana ka puana
Pulu elo i ka wai a ka Naulu.

[In “Hawaiian Son: The Life and Music of Eddie Kamae,” he speaks of receiving the initial verse from Oulu Konanui, and Mary Kawena Pukui providing him with the remaining verses. Where would we be without the keepers of knowledge?]

(Makaainana, 9/17/1894, p. 3)

Ka Makaainana, Buke II—-Ano Hou, Helu 12, Aoao 3. Sepatemaba 17, 1894.