HE MELE NO KALAUPAPA

He mele he inoa no Kalaupapa,
Aina kaulana puni ka honua,
O ke ku kilakila a Haupu,
Kuahiwi kaulana, moku a o Hina.
Alo ana Nihoa au i ke kai,
Oni ana e ka lae a o ka Ilio,
Kau aku ka manao no Hoolehua,
I ka papa konane a Kaikilani.
Nani ka waiho mai a Waileia,
O ka hoapili a o Waihanau,
Hu  mai ke aloha no Kalawao,
Aina i ka nuku a o Waikolu;
Ekolu no pua o ke onaona,
Kikonikoni lua i ka puuwai,
Kau ana Kalae i kuu maka,
I ke ala kikeekee i ka pali,
E o mai oe i kou inoa,
E ka papa konane a Kaikilani,
Hainaia mai ana ka puana,
He mele he inoa no Kalaupapa.

BAY VIEW GIRL
Kalaupapa.

(Kuokoa, 4/8/1921, p. 2)

Ka Nupepa Kuokoa, Buke LIX, Helu 14, Aoao 2. Aperila 8, 1921.