Ua hala na makahiki he hookahi haneri iwakalua kumalima, 1894 / 2019.

Ka Hoolauwili a na Enemi.

I keia wa a kakou e noho nei, ke hoomaopopo nei makou i ka hooko o ka lahui i keia olelo hemolele, i hoikeia ia Paulo penei: “Aole oia wale no, ke hauoli nei  no hoi kakou iloko o na popilikia; ke ike nei, e hana ana ka popilikia i ke ahonui; a o ke ahonui i ka hoao ana; a o ka hoao ana i ka manaolana.” Rom. 5: 3, 4. Ma ke ano o ka lahui e ike ia nei, a ma ke ana ana iho ia ano o ka lahui me keia olelo, ke hoomaopopo nei makou, eia ka lehulehu Hawaii ke komo aku nei iloko o na haawina ano o ke Akua, e like hou aku me Kana olelo. “O ua manaolana la (i loaa ma ka hoomanawanui) aole ia i hoohilahila; no ka mea, ua ninini mau ia ke aloha o ke Akua iloko o ko kakou mau naau e ka Uhane Hemolele i haawi ia mai ia kakou.”

Nolaila, i na kakou e hoomau aku ma na hana hemolele, na hana maikai, he mea oiaio, e lilo ana no na hana a pau a na enemi e hana nei e kuee ana i ka oiaio, ko ke Akua hoopono—e lilo ana lakou he enemi no ke Akua,—a heaha ke kanaka imua o ke Akua, he atoma, he mea ole, a pela no lakou na enemi o ka hana pono, e hoolilo ia ai i poe hoohilahila ia. Aole o kakou poe Comisina ma Amerika e uwao ana no ko kakou mau pono, aka, na ke Akua o ke aloha hoi, na ke Kapena o na Puali o ka Lani, e hoeu la i ke aloha, ka hoopono,  o na kanaka maikai o Amerika, e kue i ka hewa, a lilo hoi lakou, he mau Comisina no kakou ma o ka Uhane Hemolele iloko o lakou me ka uku dala ole a me na lilo ole e ae e like me ka poe hana hewa nei.

[Ahea la e pono ai?]

(Leo o ka Lahui, 1/24/1894, p. 2)

LOKL_1_24_1894_2.png

Ka Leo o ka Lahui, Buke II, Helu 861, Aoao 2. Ianuari 24, 1894.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s