PUPU KANI OE HONE I KE KULA
Auhea wale oe e ke Kaupu,
Manu au kai o ka moana.
A oi ana iho o Uila,
O ke aiwaiwa ao luna.
No luna ka pua i Poni ia,
I kukuni paa ia ka iini.
I laila wau la ike i ka nani,
Na kikoni wela a ka eha koni.
Ehuehu ka hana a Kawaikini,
Ke aiwaiwa ao ka Hikina.
Hiki mai e ka lono o Makaukiu,
Ma ke ala ko’ilua ko’iaweawe.
O ka ua Kokoula ai ka moana,
O ka punohu ku i ke Kualono.
O ka mamo hulu pala weo o ka uka,
Oo ka manu nana e kiko.
O ka lawe kiani a ke Kawelu,
Nawe malie ana i ke alo pali.
I ka piko kaulana o Maunakea,
Ke pookela o na kuahiwi.
I laila wau la hooheno ai,
Me kuu hoa alo ehuehu.
Haina ia mai ana ka puana,
Pupu kani oe hone i ke kula.
Haku ia e
Puuwaialoha
(Leo o ka Lahui, 5/7/1895, p. 4)
Ka Leo o ka Lahui, Buke II, Helu 1202, Aoao 4. Mei 7, 1895.
nupepa 