HE INOA NO ROYALIST KEALOHAALII LAAKAPU CAMPBELL.

Imua e Kealohaalii Laakapu
A lei i ka lei o ka Lanakila
A he milimili oe na makou
He pua lei nani Aloha Aina
Ke kilohana oe nana i oni
Hoihoi ia mai ke Kuokoa
Eia Hawaii ua lokahi
Hookahi puuwai me ke aloha
Nana i nai a puni Hawaii
Ke Aloha o ka Aina hanau
O ka hana hanohano a ka Lahui
I lanakila mau oe Hawaii
O ka onohi hiwahiwa i ka puuwai
O Kealohaaina a e o mai.

Hakuia e na kaikamahine o ke Aloha Aina.
May 14, 1894.

(Leo o ka Lahui, 5/17/1894, p. 3)

Ka Leo o ka Lahui, Buke II, Helu 943, Aoao 3. Mei 17, 1894.