Ku Haaheo! 1881 / Today / Tomorrow.

O HAWAII NO KA OI.

HE KAENA NA KALAKAUA NO HAWAII NEI.

Ua au hele mai au ma na moana lipolipo
E ike i ka nani kamahao o ka Honua nei
O ka ikiki o ke alahele o Inia mamao
Ka koʻu mau maka i hihio ai ma ka moe
He luaole na hiohiona kaulana o Kina
I koʻu kaala ana ma na aʻekai o Aferika
A hiki malihini ma na palena o Europa
Ua halawai mai au me ko lakou ikaika
Me na hanohano lua ole o ke ao nei
Ua kaupaonaia lakou ma kou  puuwai
O ka puana huna iloko o Hawaii no ka oi.

I ko’u ku haaheo ana me ko lakou mau poo aupuni
Me ka hiehie Alii o ko’u mau Kupuna
Hoomaopopo iho la wau iwaena o na miliona
I kou hanohano Alii maluna o na pukoa
O na anaina lehulehu i luluu i na hiehie
Ka lakou mau makana malihini ia kakou
O ka’u upu loihi o ka wa kahiko loa
Ka ko’u mau lia ana i hooko mai ai
Ma ke ana iliwai o ko’u mau hoomanao
Ka ko’u leo e hea nei maloko lilo loa
O ka haina huna iloko o Hawaii no ka oi.

Ma na ale hanupanupa o ke Kai Ula
Me na huikaulua o ke aloalii o Berelina
Na pahola malihini aloha o Aigupita
Me na uluwehiwehi lua ole o Ladana
Ke kulana kamahao loa o Parisa
Ka makolukolu o ke alawai o Sueza
He mau mahalo no na hooilina kalaunu
O ka ike ana i ka hemolele o ke ao nei
Ka mea nui o ka huakai kaapuni honua
Mai na aekai mamao mai o ka Pakipika
O ke mele huna iloko o Hawaii no ka oi.

O ko’u alahele no ka huakai home
Ke maalo mau nei imua o ko’u maka
Ko’u mau hiohiona aloha i ke aupuni
Ko’u mau hoakaunu o ka aina malihini
Aohe mau alalai no ko’u mau kuko ana
I ko’u huli hoi ana no ka home aupuni
He kupono ko’u kaena haaheo ana
Ma na palena o ka poepoe honua
O ka maluhia a me ka noho kuonoono
O ka pono Kristiano a me ka naauao
Ka’u pane pokole iloko o Hawaii no ka oi.

[To see the other, more well-known boast of King Kalakaua, click here.]

(Ko Hawaii Pae Aina, 9/3/1881, p. 4)

KHPA_9_3_1881_4.png

Ko Hawaii Pae Aina, Buke IV, Helu 36, Aoao 4. Sepatemaba 3, 1881.

 

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s