A lei for Liliuokalani composed by Mrs. Nahaukapu, 1894.

He Lei No Liliuokalani

He lei he wehi nou e Kalani
O Liliu i ka walu o na lani
Aia i Hawaii ko lei alii
Ka onohi kaimana o ke aupuni
Mai puni oe i ka mali a ka u’a
A ka ili puakea o Maleka
Huli mai ko alo kapu e Kalani
E aloha i ke kupa o ka aina
Aia i ka poho o ko lima
Ke ola o ka lahui Hawaii
Ua ike Makalii me Kaelo
Ua lohe ka uwila ka pae opua
A he pua o Kalani aia iluna
Ke kiekie no i Halealii
Haina ka wohi nona ka lei
O Liliu i ka walu o na lani.

Aia i Maui ko lei alii
Ka luna kiekie Haleakala
Alawa iho oe o Waialeale
Ka popohe a ka pua o ka ohelo
A he pua nani loa helu ekahi
Ua like me ka lauae o Makana
He makana lei momi nou e Kalani
Na ke Kuini mai o Pelekane
Haina ka wohi nona ka lei
O Liliu i ka walu o na lani.

Aia i Molokai ko lei alii
Ka luna kiekie o Maunaloa
A he loa ke kula o Kaiolohia
A e pili nei me Maohelaia
Ai ae ko lei alii kaimana
I kuia mai e loko o Kahiki
Na ke kiakolu no a i lawe mai
Lei ai ke Kuini a o Hawaii
Haina e ka wohi nona ka lei
O Liliu i ka walu o na lani.

Aia i Oahu ko lei alii
Ka luna kiekie o Kaala
E alawa iho oe a o Kapolei
O ka noho maikai a Kaiona
Ua ona ia mai oe e Kalani
E na aupuni nui o ka Hema
Nohea nei pua e moani nei
No Hawaii nei no a puni
Haina ka wohi nona ka lei
O Liliu i ka walu o na lani.

Aia i Kauai ko lei alii
Ka luna kiekie o Haupu
A he pua a he wohi nau e Kawelo
Ke alii mahamahai’a i ka wai
O ka wai kaulana o Kemamo
A he wai e inu nou e Kalani
Eia ko pua e Mano Kalani
Ke kumu alii ou kupuna mai
Haina e ka wohi nona ka lei
O Liliu i ka walu o na lani

Aia i Lehua ko lei alii
Ka wai kaulana a ka paoo
Noho mai Kuhaimoana i ka nani
Ke kae’ae’a o ke kai uli
A he kiai ia nou e Kalani
A he paku hoi no ke kaloha
Haina ka wohi nona ka lei
O Liliu i ka walu o na lani

Ka punohu ula ko lei alii
A he hailona kapu nou e Kalani
Ua ike mai ka oaka i ka lani
He milimili na Pele me Hiiaka
Akaaka ka noho ana ou e Kalani
Ua ike ka hoku ma ka Hikina
Kiina ia iho ka pae opua
I hoa kuilima nou e Kalani
Maikai na hana a Kalewalani
Ua hoi hou mai ka lei alii
Aia i ka lima mana o Kalani
Ke Kuini kapu o Hawaii nei
Haina e ka wohi nona ka lei
O Liliu i ka walu o na lani.

O ke anuenue ko lei alii
Ka nani kaulana i ke ao nei
Ua ao Hawaii malamalama
Ua ike pono ia na kumuhana
O ka hana maemae a ka lahui
A ka Hawaii imi noeau pono
Ua pono o Liliu kau i ka hano
Ka noho kalaunu i Halealii
He alii no oe ua ike ia
Ua lohe aku o Kealohilani
O ka lani iho ia nona ke kapu
Nona o Hawaii nei a puni
Haina e ka wohi nona ka lei
O Liliu i ka walu o na lani.

Na Mrs. Nahaukapu
Hakuia ma Iwilei, Dec. 17, 1894.

[What a powerful composition.]

(Leo o ka Lahui, 12/17/1894, p. 3)

LOKL_12_17_1894_3.png

Ka Leo o ka Lahui, Buke II, Helu 1079, Aoao 3. Dekemaba 17, 1894.

Advertisements

3 thoughts on “A lei for Liliuokalani composed by Mrs. Nahaukapu, 1894.

    • Absolutely beautiful and breathtaking. Where can we research to find translations, manaʻo, etc? Any kōkua would be greatly appreciated.

      • My best and most sincere answer to this question I hear often is to read the newspapers from top to bottom and page to page, which might sound boring, but it is a good exercise. Noiʻi noelo, however, is basically it. You never know where you will find answers to questions.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s