Another mele for Princess Kaiulani composed by Mrs. Kala, 1893.

HE OHU NO KAIULANI.

He ohu keia no Kaiulani
Ka wohi Kalaunu a o Hawaii
Ka pua i poni ia e ke onaona
I ka puuwai hoi o ka Lahui
Eia Hawaii Moku o Keawe
Ua keehi kulana aina ike
Ua ike na Lani i ka Hiwahiwa
I ka wohi ku kahi a o Hawaii
Nau i alo mai na kai anu
O ka moana nui kai hohonu
A hiki i ka lai Wakinekona
I ka Hale Keokeo a o Nu Ioka
Okaoka na hana a ka pakaha
Lilo i mea ole na enemi
Ua haule na nana a ka lokoino
Ua oia Hawaii kau i ka Hano
Ua kokua mai na mana Lani
I ka leo walohia o ka Ihikapu
E noi ana hoi me ka nahenahe
No ke Kalaunu hoi a o Hawaii
Umia e ka hanu e ka Ihikapu
I ola ai hoi kou Lahui
Eia ka lono i Hawaii nei
Ua nele na hana a ke Kolea
Ua hoi luuluu na Komike
Ua nele i ka pono a i upu ai
I manao a hoi a e pakaha
I ka lepo aloha a o Hawaii
Ke hea mai nei ka Pae Opua
Ua ola Hawaii a mau loa
E welo hou kou Hae Hawaii
Ma na kapakai o kou Aina
Aina o ka nani me ka maikai
Makaleho ia ai e ka Hihikolo
Aole e loaa Hawaii nei
Aina no Kane me Kanaloa
Uoi kumu ia ua mole ‘lalo
Aohe eu e naue ai
He oia mau ia a mau loa
A kau hou i ka hano hawea
Haina ka puana o Kaohulani
E ola o Kalaninuiahilapalapa

Haku ia e
Mrs. Kala.

Honuakaha, Mar. 10, 1893.

(Leo o ka Lahui, 3/15/1893, p. 3)

LOKL_3_10_1893_3.png

Ka Leo o ka Lahui, Buke II, Helu 662, Aoao 3. Maraki 15, 1893.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s