[Found under: “NO IOLANI KAMAKA O IOULI KAMEHAMEHA IV.”]

He Oki.

Kahu ka ena ka imu kaikoo,
Hanau ahi loa mai Kaena no a Waialua,
A oi pilia ka lae o Kahuku,
Ka aukuku nalu kai a ke Koolau,
I Waialua no ka po ana mai,
O ka leo kai kai o Ewa e, hoolono e—e,

He Oki.

A uo lea ka manu o Kaupea,
Ka Oo manu leo lea o Puuloa,
E naele ana i ka pua o ka wiliwili,
Inu iho i ke koana wai lau noni,
Inu ka manu, ona, kunewa, lelehu ka maka,
Lelehu i ka wai kolii puna a ke kupa,
Kaa ka onohi i ka wai o Kaiona e—e,

He Oki.

I aha ia la ka wai o Waimalu,
I kapala kuhihi ia e ka makani,
I hopu a e ka ea nono ka laau,
Me he kapu lu lehua la ka lu hoohelelei ia e ka manu,
O weo kikohu ula i ka piko o ka lau kalo,
Ula loa ai i ke kai o Kuloloia—a,
E ka ea e—e,
Ea mai la oe me he hana kau ai la i ka
Aiwaiwa mai ia la i ka nolu—i,
I ka lana e—e,

[Did you check out today’s post on Bishop Museum’s “Welo Hou” blog? It seems to be a version of this mele composed for Kamehameha IV! Click here to get taken to that page.]

(Hoku o ka Pakipika, 2/19/1863, p. 1)

Ka Hoku o ka Pakipika, Buke II, Helu 19, Aoao 1. Feberuari 19, 1863.