ALOHA AINA

1

No ka Hae Hawaii no ke aloha
Puuwai hiwahiwa a ka Lahui
Pawehi haaheo me ka Lanakila
I ka Hano kila o Iolani Hale.

2

Ka Hoku nani oe o ka Pakipika
Ua ike ia mai kou Aina
Aupuni Kuokoa no Hawaii
Hooponopono ia me ka Loea.

3

Lokahi ka manao o Hawaii
E mau ko Welo me ka Lanakila
Na ka Mana Kahikolu e kiai
A mau loa aku no.

4

Hookahi no puuwai o ka like
Mai Hawaii a Niihau
E hoi e noho me ka maluhia
I ka Nani Kilohana o Halealii.

Hawaii Ponoi

(Leo o ka Lahui, 7/21/1893, p. 3)

Ka Leo o ka Lahui, Buke II, Helu 731, Aoao 3. Iulai 21, 1893.