Loaa Ko Puni Kauoha.

Lihilihi o ka Lehua
Aala o ka Hinano
He nahele kii wai a ka ua
Koolua e lia mau nei.

Chorus

Loaa ko puni Kauoha
Ke koii hana nowelo
O ke apo wai paumu
Anoai e lia nei.

O a’e kau hana mahope
Laau a ke ahe malie
E kala ko’u hoohihi
Pela iho a hiki aku.

Composed by
MEKIA A KEALAKAI

Ke Onaona.

Auhea wala ana oe e ke onaona
Ke aloha kaili i ka puuwai
A he waiwai nui ke aloha na’u
A ka manao e uilani nei
Ake aku ana au e ike
I ko maka palupalu e kuu aloha
Heaha nei hana a ka nui manu
Hauwalaau a puni ke kaona
Onaona ko maka e kuu aloha
He onohi kaimana kau umauma
Imua kaua a lanakila
A kau i ke ao malamalama
O ka mana kahi kolu kou kokua
Ka Hokku Loa no kou alakai
Haina ia mai ana ka puana
Imua kaua a lanakila.

A name song for the Kawaihau Glee Club composed by
SOLOMON A. K. HIRAM.

(Aloha Aina, 4/1/1905, p. 5)

Ke Aloha Aina, Buke XI, Helu 13, Aoao 5. Aperila 1, 1905.