Onipaa! 1917.

HE KANAENAE ALOHA NO LILIU

E ala e ka Lani ae moe ne,
Ua ao ua puka o Hokuloa;
Ua makaukau na meaai,
I kuke noeau ia e Nape;
O ko puni no au i ike,
O ka i’a lawalu me ka opae;
Ai ana ka wahine a maona,
Ikaika ka helena o ke ala loa,
Aloha ko home Wakinekona,
I puia i ke ala me ke onaona;
Onaona ke ala o ka miulana,
Na kahiko ia a o ko kino;
Eia na lede makaonaona,
Na ki hoi o ko aupuni.
O kou moto ia o ka onipaa,
Onipaa ke aloha no Hawaii;
Hea aku no au o mai oe,
Onipaa ke aloha kou moto ia.

E ala e Liliu e moe loa nei,
E ike i ou kini makaainana;
Ua puka e ka la aia iluna,
Ke kani kuilua nei na pele,
Nana i hoike aku i ka lono,
O Liliuokalani ua hele loa.
Aia paha oe i Waikiki,
O ka heeheenalu i Pualeilani;
Ua nani no oe ua hanohano,
Ua ike ko luna me ko lalo;
Na ka mahina a i hoike mua,
Ka hiona pilikia e hiki mai ana.
Ke alalaua ko ka moana,
O ka i’a uulaula a ka lokoino;
Me oe ke aloha e Liliulani,
Ke ‘lii Aimoku i aloha ia.
E o e Liliu i kou inoa,
Onipaa ke aloha kou moto ia.

Hakuia e P.

(Kuokoa, 11/30/1917, p. 2)

Kuokoa_11_30_1917_2.png

Ka Nupepa Kuokoa, Buke LV, Helu 48, Aoao 2. Novemaba 30, 1917.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s