MA KE KAUOHA.
O MAKOU O KALAKAUA, ma ka Lokomaikai o ke Akua, Moi o ko Hawaii Pae Aina:
I kulike ai me ka Pauku Kanakolu kumamakolu o ka Kumukanawai o ko Makou Aupuni, ke hookohu aku nei Makou, a ke kuahaua aku nei me ka hoikeike aku i ko Makou makaainana a kaikaina aloha, Ka Mea Kiekie ke Alii ke Keiki Alii WILLIAM PITT LELEIOHOKU i Kahu Aupuni no ko Makou Aupuni, e lawelawe i na hana o ke Aupuni ma ko Makou inoa, oiai ko Makou kaawale ana mai keia aupuni aku.
Hanaia ma Halealii Iolani, ma Honolulu, i keia la Umi-kumamakolu o Novemaba, Makahiki o ko Kakou Haku, Hookahi Tausani Ewalu Haneri a me Kanahiku Kumamaha, a i ka mua o na makahiki o ko Makou noho Alii ana.
Na ka Moi KALAKAUA R.
W. L. Green, Kuhina o ko na Aina e.
(Kuokoa, 11/21/1874, p. 2)
Ka Nupepa Kuokoa, Buke XIII, Helu 47, Aoao 2. Novemaba 21, 1874.
