ALOHA AINA.

THE TRUE PATRIOT.

Golden Censer.

1. Paa kuu manao aloha
Yes, yes, yes yes, yes, yes.
Paa kuu manao aloha
I ka aina hanau o’u.
Aole au e kipi,
No, no, no, no, no, no.
Aole kumakaia,
E aloha oia mau.
Kuu lima pu me kuu naau,
E lilo nona, nona mau,
Kuu lima pu me kuu naau
E lilo nona mau.

Cho.—Yes, yes, yes, yes, yes, yes,
Paa kuu manao aloha
Yes, yes, &c
Paa kuu manao aloha
I ka aina hanau o’u;
Aole au e kipi,
No, no, &c
Aole kumakaia,
E aloha oia mau.

2. Aloha halialia,
Yes, yes, &c
Aloha halialia,
Kuu aina hanau, e,
Kuu aina hoomailani,
Yes, yes, yes &c
Kuu aina kula iwi
E hiolani nei;
Aole loa  o’u makau
E koa ikaika pono nou,
Aole loa o’u makau
E koa ikaika nou.

Cho.—Yes, yes, yes, &c

3. Aloha i kuu aina
Yes, yes, &c
Mai Kaula a Hawaii,
Ka aina hanau o’u.
Na mauna kilakila,
Yes, yes, &c
Na kualono uli,
Na awawa omaomao.
E paa na mauna me na puu,
Na kula pua nani ou
E paa na mauna, me na puu,
Na kula nani ou.

Cho.—Yes, yes, &c

4. Aloha eweewe:
Yes, yes, &c
Aloha eweewe,
Kuu aina hanau, e,
Kuu aina ohaoha,
Yes, yes, &c
Kuu aina hiwahiwa,
Kuu aina makamae.
E mapu mau na punawai,
E ala mau na mala ai,
E mapu mau na punawai,
E paa na mala ai,

Cho.—Yes, yes, &c

5. Aloha i na pono,
Yes, yes, &c
Na pono o kuu aina,
Na kanawai maikai,
Na kula la aupuni,
Yes, yes, yes &c
Ma kula hanai nani,
Na hana maikai e;
Kuu pono me kuu pomaikai,
E pili i kuu aina nei,
E hooniolo olo ae,

Cho.—Yes, yes, yes, &c

6. E kau a mau kou hae la,
Yes, yes, yes,
Kou hae wewelo nani
Maluna o na puu,
E noho au a malu,
Yes, yes, yes, &c
E noho au a malu,
Malalo iho ou.
E mau ka maluhia ou,
E mau ke kuikahi pu,
Me na aupuni naauao.
A kuokoa mau,

Cho.—Yes, yes, yes, yes, yes, yes,
Paa kuu manao aloha &c.

Hawaii.

(Kuokoa, 4/18/1868, p. 4)

Ka Nupepa Kuokoa, Buke VII, Helu 16, Aoao 4. Aperila 18, 1868.