At Waimanalo, Mololani, and Mokumanu are your mats of feathers, 1886.

HE INOA NU’A HULU NO KA MOIWAHINE KAPIOLANI.

(Hakuia e Mrs. A. L. K.)

A i Waimanalo ko Nua Hulu,
I hakuia mai e Mololani,
Noho o Kalani hano i ka nani,
I ka lawe hoolai a ka mokuahi,
Hoohihi ka manao e ike aku,
E kilohi i ka nani o ka Mokumanu,
O ka pohai a ka manu i ka lewa,
Kikahakaha lua i ka ilikai,
Welo haaheo ko Hae Kalaunu,
Ua ike mai o Malei ke kupua,
Oia kai kapu la ua noa,
Ua hehiku aku nei o Kalani,
Nau i olali hoohie aku,
Oia mau ale hanupanupa,
Ka iniki welawela a ke ehukai,
Lamalama ua i ka nani alii,
Liilii na hana a ke Telefone,
Haihai olelo me ka huapala,
Kulia ka anuu la e o mai,
Ka wahine nona ka Lei Hooheno.

Aia i Mololani ko nu’a Hulu,
I kahiko kapu nou e Kalani,
Maona na maka ke ike aku,
Hoomahie luna ua lia loko,
O ka maku Ihi no oe,
I puia ke ala i Maunaloke,
O ka malamalama o ke ahi kao,
I ke kahua koloke o Honeikeanu,
Ilaila makou ike i ka nani,
I ka hale wiliko helu ekahi,
O ka nome hala ole mai a ka nau,
Haulani ka pana a ka Mikini,
Ka pipii a ka mau o ka mo’a ia,
Pau pono na ono a ka makemake,
O ka noho hoolai a ka wahine,
I ka hale aniani o ke kaa ahi,
Aweawe ka uahi pi’o mahope,
Ka owe a ka lau ko mawaho,
Aia ka ilina i ka Ehukai,
I hanu lipoa nou e Kalani,
Kulia i ka nuu la e o mai,
Ka wahine nona ka Lei Hooheno.

Aia i Mokumanu ko Nu’a Hulu,
I aahu nani nou e Kalani,
O ka uluwehiwehi a ka Ahihi,
I popohe i ka hau kakahiaka,
Noho mai e ka ohu hie na pali,
Hone iho e ka ua noe liilii,
Hoi iho ka manao lana malie,
Hoomahie i ka pili o ke ao,
Ua ao kaua e ke Kolohala,
Ei ae o ka ua Apuakea,
Nehe ana ka huila o ke Kaaahi,
Hoolai i ka piko o ka aina,
Alia oe la e pulale mai,
E ka nalu kuwili o Maluaka,
Akaaka wale oe e Makapuu,
E hooni nei ia Kawaihoa,
I hoa kahu no’u Kaimanahila,
Hooheno ka helena o ke Kaona,
Onaona na maka o ke aloha,
Ua pulu i ka ua Kukalahale,
Kulia i ka nuu la e o mai,
Ka wahine nona ka Lei Hooheno.

[Might anyone have an idea who Mrs. A. L. K. might be? See also “He Inoa Lei no ka Moiwahine Kapiolani” by Teliihoohie. I was reminded of this mele yesterday, the 125th anniversary of the grand coronation of King Kalakaua, by a relatively new blog out from Bishop Museum Library & Archives.]

(Nupepa Elele, 12/25/1886, p. 2)

Elele_12_25_1886_2.png

Ka Nupepa Elele, Buke VIII, Helu 25, Aoao 2. Dekemaba 25, 1886.

 

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s