KUE MEMORIALA.

O makou o na Komite o ka Ahahui Aloha Aina o na Wahine i kohoia e ka halawai i noho ma ka la 29 o Sepatemaba 1898, ma Hilo Taona.

Ma keia ke kue loa aku nei i ka Memoriala a ka Ahahui Kuwaena o ka Ahahui Aloha Aina o na Wahine o Honolulu, malalo o na kumu kupono.

1. Aole i kuahaua mai ka Ahahui Aloha Aina Kuwaena o na Wahine o Honolulu i na Ahahui la la o na Wahine a puni ka Paeaina, e huipu aku a kuka me lakou i ka lakou Memoriala a hooholo lokahi ia alaila pono.
2. Ko lakou lahui pu ana aku i na Ahahui e ae e noho ana a puni ka Paeaina i holo pu ole me ko lakou mau manao, he mau hana apuhi maopopo keia.
3. Nolaila, o makou o ka Ahahui Aloha Aina o na Wahine o Hilo Taona, ke unuhi nei makou ia makou iho mailoko mai o kela Ahahui Kuwaena mai o Honolulu a ku kaawale loa ma na ano a pau. Aohe o makou kuleana iki i koe me lakou.

Me ka oiaio,

Mrs. Annie Lewis,
” Kekona Pilipo,
” Alai Akamu,
” Hattie Nailima,
” Mihana Ai,
” Lilia West.
” M. K. Kaiuaola.

Na Komite.

Hilo, Hawaii, Sept. 29, 1898.

(Aloha Aina, 10/8/1898, p. 3)

Ke Aloha Aina, Buke IV, Helu 41, Aoao 3. Okatoba 8, 1898.