A mele for Princess Kaiulani composed by Mrs. Kala, 1893.

HE LEI NO KAIULANI.

He lei keia no Kaiulani
Papahi Kalaunu a o Hawaii
Ola o ka Laninuiahilapalapa
O ka wohi ku kahi a ka Lahui
Ua hui lokahi a o Europa
Kaohi i ka Ea a o Hawaii
Walohia e ka leo o Kaiulani
Ua hewa anei au e Amerika
Hoole ia ai Ko’u kuleana
I ka noho Kalaunu a o Hawaii
Aia i ka nua Hale Keokeo
Ka Hale alii i Wakinekona
E noi ana hoi me ka hopo ole
I ka ea aloha o Hawaii nei
Hoihoi ia ka lei alii
O ka Ihikapu hoi a o Hawaii
Kuka ana hoi me ka oluolu
Me ka Aha Senate o Amerika
Aia o Kaiulani i ke alo
Imi ana i ke ola a o Hawaii
O ka leo alii i pa’e mai
Ua nele anei au kuu lahui
I manao ia ai a e kaihi
I ka noho Kalaunu a o Hawaii
Kou kuleana hoi mai ka po mai
Imi ia e Kalani Kaulilua
Papa Laamea Ko’u makua
Ikea ai au a he wohi kapu
He kama kahi au no ka Lahui
Na ke ewe aloha na kupuna
Ma pu ke aloha i ka puuwai
Hana mau ana hoi i ka iwihilo
O Vitoria o Kaiulani
Hooilina Kalaunu a o Hawaii
Haina ko lei e Kaiulani
E ola o Kalaninuiahilapalapa

Hakuia e

Mrs. Kala

Honuakaha, Mar. 8, 1893.

(Ka Leo o ka Lahui, 3/10/1893, p. 3)

LOKL_3_10_1893_3.png

Ka Leo o ka Lahui, Buke II, Helu 659, Aoao 3. Maraki 10, 1893.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s