[Prayer of Kana found in: “He Moolelo Kaao no Kana: Ke Ahi Kanana, Ka Hiapaiole, Ka Moopuna a Uli, Ka Mea Nana i Hoohiolo o Haupukele ka Puu Kaua i Molokai.”]

Ua meha ka leo o  ka ale o ka moana
Ua mea ka leo o ke kai
Ua meha ka leo o ke kanaka
Ua meha ka leo o ka manu noio o ke kai
Ua meha ka leo o ka Aama kua lenalena o ka pali
Ua meha ka leo o ka Opihi makaiauli
Ua meha ka leo o ka Hee pali
Ua meha ka leo o ka Amakihi holo kahakai
Ua meha ka leo o ka wai o na kahawai
Ua  meha ka leo o ke Kaoe [Koae] noho pali
Ua meha ke kaulu o ka pali
Ua meha ka leo o ka makani kuhonua o uka
Ua meha ka leo o ka makani papuhea o ka aina
E kuu kama—
O Molokai ka aina
O Haupukele ka puu
O Kana ka hoi ua koa lanakila o luna o ka puu
Kiina ko makuahine a hoihoi ia mai
O ka mea e hanaino mai ia oe
O kau ia e luku ai
Lukua ma ka akau
Lukua ma ka hema
Lukua ma ka hikina
Lukua ma ke komohana
Lukua i kai Koolau
Lukua i kai Kona
Lukua i kai papau
Lukua i kai hohonu
I kai popolohua la a Kane e luku ai
Amama ua noa, lele wale aku la
E ola o Kana ke koa, a kau i ka nuu kapu o Kuaihelani—I kua o Wakea
E ola ka pulapula a oukou, a kau i ka Puaaneane—Ka oukou ola ka hoi ia a ke Akua
O kini akua
O ka mano akua
O ka lehu akua
O ka puku’i akua
E ola ka pulapula
A lele e— Na hoaiku e—
Lele wale aku la
Aohe kupu, aohe eu, nana e hoohoa mai, ua noa.

[This Kana and Niheu story begins in the daily newspaper (Mondays through Fridays) Leo o ka Lahui on 6/11/1891 and continues on until its conclusion on 8/31/1891. It is signed, “Mea unuhi moolelo; Niuhelewai”.]

(Leo o ka Lahui, 7/29/1891, p. 1)

Ka Leo o ka Lahui, Buke II, Helu 247, Aoao 1. Iulai 29, 1891.