HE INOA NO KALANIANAOLE

1 He inoa nou e Kalanianaole
He hiwahiwa oe o ka lahui.

2 Eia makou ou mau kini
I ka aina hoopulapula.

3 Ua imi oe i ka pono me [ke] ahonui
I pono au mau kini.

4 E ola mau na kini opio ou e Kalani
Mai na lani kiekie loa mai.

5 Kokua mai na mana Kahikolu
I ka pono kaulike o ka lahui.

6 Haaheo mai nei o Keaukaha
He aina i ka nani me ka maikai.

7 He nani a he u’i ke ike iho
I ka home haaheo o ka lehulehu.

8 Hanohano e Kalani moho mailuna
Ma ka poli pumehana Makualani.

9 E mau e ke o o Keaukaha
I ka pono ou e Hawaii loa.

10 Eo he inoa nou e Kalani
O Kalanianaole i kou inoa.

[11] Hea aku makou hea mai oe
Kuhio ka elele aloha a ka lahui.

Haku ia e
MR. PHILLIP LUAHIWA

Waiakea Homestead, Iulai 14, 1926.

[A NAME SONG FOR KALANAIANAOLE

1 A name song for you, O Kalanianaole
You are a precious one of the lahui.

2 Here we are, your multitudes
Upon the homesteads.

3 You sought for our benefits with patience
For the good of your people.

4 Long live all of your youth, O Chief
From the lofty heavens.

5 The power of the Trinity gives assistance
For the equal rights of the lahui.

6 Keaukaha is proud
A land of beauty and goodness.

7 Glorious and handsome to see
Are the proud homes of the many.

8 Honored is the Chief sitting there above
In the loving bosom of the Heavenly Father.

9 May Keaukaha live on forever
Through your well being, O expansive Hawaii.

10 We call this name song for you O Chief
Kalanianaole is your name.

11 We call out to you, you call out in return
Kuhio, the loving representative of the lahui.

Composed by
MR. PHILLIP LUAHIWA

Waiakea Homestead, July 14, 1925.

(Hoku o Hawaii, 8/3/1926, p. 2)