KUU LEI POINA OLE.

He anoi he aloha no kuu lei,
No kuu Iosepa Kahokunani;
Ua ike na lani i ke kiekie,
He pua na ka la i hanau mai;
A he milimili na ke ahe Naulu,
Na ka makani hone o ka aina,
He lei na ka ulumahiehie,
A he malihini no kuu hoomana,
Auhea iho nei kuu lei momi,
Ka hoku nani o kuu hoomana;
Aia paha oe i ka la welo,
I ke kui pua lei no ke ahiahi.
Kuu pua i lohia i ke onaona,
O nohea i ke ao malamalama.
Kuu huihui pua o ka hauoli,
Ua mae i ke ehu kakahiaka;
E ola e ke kama nona ka lei.
Ka hoku nani o kuu hoomana,
E puana ae au me ka walohia,
No Kahokunani kuu lei momi.
Haina ia mai ana ka puana,
Ua ike na lani i ke kiekie.

Hakuia e

KA LA WELO I LEHUA.

[Anyone know who Iosepa Kahokunani (Joseph Kahokunani) might be?]

(Kuokoa, 2/1/1918, p. 8)

Ka Nupepa Kuokoa, Buke LVI, Helu 5, Aoao 8. Feberuari 1, 1918.