KA NAHELE SONG.

Ke noe mai nei ka nahele e,
I ka nee a ka ua Lililehua,
I ka nihi malie ae la,
Ma ka lihikai o Ohele la.

He halekipa na’u ke aloha,
A he makamaka na ka malihini;
Lohe aku nei no o Hiiaka,
Ka wahine i ka poli o Pele.

Hele mai nei ko’u aloha,
A lalawe i kuu nui kino;
Mai kuhi mai no paha oe la,
No Hopoe nei au la i Lehua.

Lililehua i Mana,
La’i ai na manu ilaila;
A ike i ka ono o ka’u pua,
Hoohie lua oia la.

Hakuia e JOS. W. K. KAPOLOLU,

Papaaloa, Hilo, Hawaii.

(Kuokoa, 7/6/1922, p. 3)

Ka Nupepa Kuokoa, Buke LXI, Helu 27, Aoao 3. Iulai 6, 1923.